الطبيعي يكسب …..إحذر من المشروبات سريعة التحضير علي الفطار!!

كتب : ايمن محمود

كثيرا منا يهتم بهذا المنظر الرائع.. لكن للأسف  النتيجة قاتلة
تعرف أيه اللى بيحصل أما أنت بتستخدم المشروبات سريعة التحضير يومياً على فطارك؟.. هتخرج من رمضان بمشكلة كبيرة جدا في الكبد..
المقاس الطبيعي للكبد ١٢ سم.. مقبول طبيًا حتى ١٤.. دا آخرنا.. إن زاد المعدل عن كده بداية الأمراض
وعد بقي كل أمراض.. الأيض.. السكر.. الضغط.. النقرس.. القلب والشرايين.. ومشاكل التنفس والقولون.. والخشونة سواء ركب أو ضهر .
طب ليه الإسراف اليومي في المشروبات دي بيعمل الضرر ده؟
تركيب المشروبات دي ٩٥٪ منها سكر والباقي لون وطعم وريحة.. أما أنت بتشربها بترفع السكر في الدم بسرعة جنونية.. يعقبه إفراز كميات رهيبة من الإنسولين.. فهبوط مفاجئ في السكر.. فتحول السكر اللي تم خفضه في الدم لدهون على الكبد والشرايين.. أكيد أنت محرقتش السكر ده.. دا دخل واتخزن وقعد على قلبك .
هل العصير الطبيعي كده.. هل التمر كده.. هل اللبن كده.. هل المايه كده؟
لا طبعا.. البدايل اللي كتبتها في السوائل ده تقدر تبتدي بيها فطارك وتكسر بيها صيامك.. معظمها المؤشر الجلايسيمى بتاعها منخفض.. يعنى بترفع السكر تاتا.. والمايه تحديدًا بتنزل السكر وبتساعد على الهضم.. وبالنسبة للعصاير الطبيعية حاول تشربها قبل وجبة الفطار بشوية حلوين.. لأن شربها قبل الفطار على طول هيعملك انتفاخ.. أفضل شيء لكسر الصيام الميه والتمر .
شير لغيرك وقوله لو حللت الدهون الثلاثية ولقيتها عالية هيه والسكر التراكمي اعرف إنها من المصيبة السوداء اللي اسمها السكريات والعصاير سريعة التحضير .
حفظكم ربي.

#كرييتف